Lehiakide guztiek, lehiaketaren araudiak hala behartuta, gai eta ezaugarri berberak hartu zituzten bideoak egiteko oinarritzat. Hala ere, harrigarria da aurkeztutako lanen ugaritasuna. ERREKORTXOLIS taldeak aurkeztu zuen bideoak, ‘El-par-geta’ izenekoak, euskara apur bat ikasteko aukera ere eman zigun, bide batez barretxo batzuk eginda. Horregatik —akaso— lortu zuen hirugarren saria.

Arazo teknikoak konpontzen doaz, eta azkenean lortu dugu bigarren saria jaso zuen bideoa sareratzea. Eibarko Loguria taldeak ekoitzitako Hirugarren zenbakia lanak eraman zuen 1.200 euroko saria. Taldea 2005ean ere saria jaso zuten Jatsu Argaratek, Amaia Jaiok, Irune Jaiok eta Unax Blancok osatzen zuten. Ea zer deritzozuen:

Aurrekoan esan bezala, Gasteizko Trastaka taldeak eskuratu du Ikus-entzunezkoen III. Rallyko lehenengo saria, 1.500 eurokoa. Nahikarik, Jabik, Lunak, Usoak, Maite eta noski Ekaitzek lan hunkigarria aurkeztu zuten, epaileen zein Elgetan bildutako ikusleen ileak laztea lortu zuena. Zuek esan, bestela: