…halaxe dio esaera zaharrak, eta Eskoriatzatik etorritako HEGOAIXE taldeak hala erakutsi digu behin baino gehiagotan.
Oraingoan (beteranoak baitira Eskoriatzarrak rallyan) In short time izeneko lana aurkeztu dute. Herriko pertsonaia ezagun baten imitazioa (oso ona antza) egiten dute bideoan… baina, nonbait, Eskoriatzakoek baino ez dute ondo ulertuko…

Lehiakide guztiek, lehiaketaren araudiak hala behartuta, gai eta ezaugarri berberak hartu zituzten bideoak egiteko oinarritzat. Hala ere, harrigarria da aurkeztutako lanen ugaritasuna. ERREKORTXOLIS taldeak aurkeztu zuen bideoak, ‘El-par-geta’ izenekoak, euskara apur bat ikasteko aukera ere eman zigun, bide batez barretxo batzuk eginda. Horregatik —akaso— lortu zuen hirugarren saria.

Arazo teknikoak konpontzen doaz, eta azkenean lortu dugu bigarren saria jaso zuen bideoa sareratzea. Eibarko Loguria taldeak ekoitzitako Hirugarren zenbakia lanak eraman zuen 1.200 euroko saria. Taldea 2005ean ere saria jaso zuten Jatsu Argaratek, Amaia Jaiok, Irune Jaiok eta Unax Blancok osatzen zuten. Ea zer deritzozuen:

Hauteskundeetan gertatzen den bezala, Rallyan ere lehiakide guztiak dira irabazle. Horren erakusgarri, ondoko argazki hau: Eskoriatzako Hegoaixe taldeko kideak dira, Trastaka taldeak lortutako txekeari poz-pozik eusten.

Hegoaixeko kide den Josebak bidali digu argazkia. Mordoska bat egin zituen Rallyaren egunean, eta Flickrren jarri ditu ikusgai. Mila esker!
EGUNERATZEA: Baten bat Photoshop (edo GIMP)ekin jolasten ibili da, errealitatea manipulatzeko […]

Aurrekoan esan bezala, Gasteizko Trastaka taldeak eskuratu du Ikus-entzunezkoen III. Rallyko lehenengo saria, 1.500 eurokoa. Nahikarik, Jabik, Lunak, Usoak, Maite eta noski Ekaitzek lan hunkigarria aurkeztu zuten, epaileen zein Elgetan bildutako ikusleen ileak laztea lortu zuena. Zuek esan, bestela: